Kat

Kat

Traauwd wezen en gevuil hebben dat t tussen man en 
vraauw n luddek beetje versloddert.Kin gebeuren toch? 
Kiek, nait da'k vraauw tekört dou,mor k zel joe t eerlieks 
zeggen.

© Free Westerhoff

Noa vattig joar mout stubbertje der òf en tou even maank veur n goie verstandhollen. Dus akkedaaiert t aigenlieks goud tussen ons baaiden. Zo heb k vraauw traktaaierd op n oavendje oet in Stad. Eerst lekker eten bie Jantje zag eens pruimen hangen in plantsoen en dou noar Bert Visscher in Schouwburg. En as oetsmieter n borrel in café stoef bie hoes.  Stee doar k mien eerste twinteg joar woond heb. En as dat gain touvaal is,  café hait nou Jantje's Steakcafé! 

k Was hail dag aan t haaistern west, geuten schoonmoaken, roamen Iappen, auto himmeln en heeg knipt. k Haar vraauw beloofd davve n taxi namen, wat n luxe nait? Schemerlaampkes aan, tillevisie op drij en handouk over  kaauw van papegaai. Omreden kat en Lorre moaken aalvot  rebulie,haar k kat te 
hoes oet jagd en grundel op kaddeloek doan. Mor... dat mishottjede mie. Krek dou k deur achter mie dicht dee naaide t ongeluk mie tuzzen bainen deur. Met krul in neus stoof e trap omhoog noar sloapkoamer.  'Goa doe mor vast in taxi,' zee k tegen vraauw,'joag ik kat weer in boeten.' Dou vraauw taximan al n zetje ongemakkelk in nek keek,  loog ze veur t ongemak mor even dat ik moeke nog goidag  zeggen dee omreden t mìnske grieperg op bèr lag. 'En,' vruig  vraauw,bliede da'k weerom was,'kloar?' 'Och man, hòl op, kreng zat met kromme rug onder bèr te  bloazen... en k mos heur met bezzem te hoes oet joagen
 

Later bericht Overzicht